Пентагон соопшти дека ќе потроши 572 милиони долари за купување на 30 руски воени хеликоптери од моделот „Mi-17“ кои ќе ги користат авганистанските безбедносни сили.
Хеликоптерите ќе ги користат специјалните единици на авганистанските национални безбедносни сили во борбата против тероризамот и трговијата со дрога, како и единиците за специјални операции.
Договорот со руската воена компанија„ Rosoboronoeksport“ вклучува и резервни делови за леталата, опрема за тестирање и техничка поддршка.
Од Пентагон очекуваат договорот да биде комплетиран до крајот на 2014-та година.
Ова не е прв договор на американското министерство за одбрана со оваа компанија, затоа што тие пред една година купија 12 хеликоптери од моделот „Mi-17“ за 217.7 милиони долари во рамките на еден договор од 2011-та година.
