Германската бизнис клима забележа изненадувачки пад во ноември, што говори за намалениот оптимизам на најголемата економија во еврозоната кон прогнозите за раст.
Според минхенскиот Економски институт „Ifo“, индексот на деловната клима падна веќе четврти последователен месец и достигна 102 поени. Ова е под проценките на „Ројтерс“ од 102,3 поени.
За споредба, во октомври индексот беше сезонски прилагоден од 102,9 поени.
„Ifo“ укажува дека компаниите ги намалуваат нивните проценки за тековната деловна ситуација во Германија, а нивните очекувања за иднината исто така се намалуваат. Овие, како и други показатели, укажуваат на економски раст од најмногу 0,3% во четвртиот квартал, што говори за „ладење“ на германската економија.
Во производството, бизнис климата се влошува. Само неколку производители се уште очекуваат подобрување во текот на следните шест месеци. Повеќето песимистички прогнози, исто така, влијаеле и на индексот на услугата. Сепак, добавувачите малку ја ревидираа својата проценка на тековната деловна ситуација.
Значителен пад на индексот е забележан и во градежниот сектор. По четири последователни месеци на раст, тој беше сведок на остра криза во ноември и повторно поради ниските оптимистички очекувања на бизнисот.
Трговската војна меѓу двете најголеми економии во светот – САД и Кина, се одразува лошо на германските компании кои имаат производство и во двете земји и извезуваат и во двете насоки.
Реципрочните давачки ги стегаат прогнозите на бизнисот и оставаат белег врз економскиот мотор на Европа, кој е силно зависен од извозот за остварување на раст.
Податоците од минатата недела покажуваат дека послабиот извозот е главната причина за првата контракција на германската економија за кварталот од 2015-та година.
Податоците за бруто домашниот производ на земјата во периодот јули-септември покажуваат дека извозот е намален за 0.9%, а увозот расте со 1,3%, додека нето трговијата се зголеми со процентен поен.
Растот на приватниот сектор, исто така, достигна најниско ниво за речиси четири години во ноември, според една студија објавена минатата недела од „IHS Markit“.
