Светската дебелина речиси тројно е зголемена од 1975 година, а со тоа порасна и појавата на срцевите заболувања, ракот и дијабетесот. Државите имаат развиено упатства за исхрана, прилагодени на локалните состојби со храна и нивното население, за да обезбедат совети за здрава исхрана.
Начините на исхрана варираат од место до место зависно од достапноста на храна, навиките во исхраната и културата. Сепак, кога станува збор за храната, многу добро знаеме што не е добро за нас – и тоа е така без разлика каде живееме. Но, општествените промени ги прават овие избори покомплицирани. Додека голем број земји се сеуште засегнати со недоволна исхранетост, се повеќе луѓе ширум светот јадат високо-енергетска, многу масна храна, богата со шеќери и сол. Урбанизацијата, седечкиот вид на работа и промените во начините на транспорт ги намалуваат нивоата на физичка активност на луѓето, создавајќи цели популации со висок ризик од дебелина, прекумерна тежина и поврзани болести.
Дебелината во светот речиси тројно се зголеми од 1975 година, а со тоа се зголемија и здравствените проблеми, како што се дијабетесот, срцевите заболувања и одредени видови на рак. Овој тренд не е ограничен само на земјите со високи примања. Всушност, во земјите со низок и среден приход, бројот на дебели и луѓе со зголемена телесна тежина бележи поголем пораст. Во исто време, во многу случаи, земјите со ниски и средни приходи, исто така, се соочуваат со високи стапки на неисхранетост и дефицит на микронутриенти.
Во време кога дебелината е во пораст, упатствата за исхрана се се поважни. Според најновата евиденција, упатствата се препораки на земјата за нејзиното население за подобро и поздраво да се јаде.
Веб-страницата на ФАО содржи најсеопфатна компилација на упатства за исхраната низ целиот свет. Повеќе од 100 земји имаат развиено упатства за исхраната кои се прилагодени на локалното население и состојбите со храна.
Иако упатствата за исхрана се разликуваат во однос на структурата и формата (од брошури до постери и видеа, од популарната пирамида за храната, до јужно-корејскиот роли-поли, ананасот од Фиџи или садот за манџа од Гвајана), содржината нуди многу слични совети .
Упатствата на повеќето земји препорачуваат луѓето да имаат најмалку 3-5 порции овошје и зеленчук дневно. За засладување, овошјето е добра алтернатива на преработените шеќери.
7 навики за јадење што знаеме дека се добри за нас:
- Јадење многу зеленчук и овошје – Некои земји се многу специфични за бројот на порции овошје и зеленчук што треба да се консумираат секојдневно. На пример, Грција вели шест, Костарика и Исланд велат пет. Канада ги одредува боите на зеленчукот за консумирање (еден темно зелен и еден портокалов зеленчук дневно). Големините за сервисирање може да се разликуваат по земја; сепак, сите упатства препорачуваат да се јаде многу свеж зеленчук и овошје на дневна основа.
- Внимавање на внесот на маснотии – На различни начини, повеќето упатства го споменуваат намалувањето на заситените масти и даваат препораки за замена на мастите од животинско со масти од растително потекло. Во Грција се препорачува маслиново масло, во Виетнам масло од сусам или кикиритки.
- Намален внес на храната и пијалоците богати со шеќер – Општа согласност е дека преработениот шеќер е штетен за нашето здравје. Упатствата во секоја земја препорачуваат исхрана со низок внес на шеќер и избор на овошје наместо преработени слатки или зашеќерени пијалаци за засладување.
- Намален внес на натриум / сол – Нигерија споменува намалување на употребата на коцките бујон; Малта препорачува ограничување на готовите производи со висока содржина на натриум. Колумбија сугерира ограничување на преработеното месо, конзервирана храна и пакувани производи кои обично имаат висока содржина на сол. Сите земји, општо сметаат дека храната со помалку сол е подобра за вас.
- Редовно пиење вода – Секаде, упатствата препорачуваат дека водата е најдобра за гаснење на жедта. Се разбира, секогаш треба да бидеме сигурни дека водата е безбедна за пиење.
- Умерен внес на алкохол, ако го пиеме – ако одлучите да пиете алкохол, општ консензус е дека тоа треба да биде умерено.
- Физичката активност да биде дел од денот, секој ден – за луѓе кои имаат седечки работни места или начин на живот, општа препорака е да се вежба најмалку 30 минути дневно. Упатствата на Бенин укажуваат дека за лицата со работни места кои бараат тежок физички труд, дополнително вежбање не е неопходно.
Навиките за јадење започнуваат од најраните години. Со давање совети за исхрана, упатствата за исхрана ги поттикнуваат семејствата да преземат одговорност за сопствената исхрана и здравје.
Различни упатства нудат други добри совети за здравата исхрана: уживајте во храната (Романија), јадете со вашето семејство (Венецуела), негувајте ја традиционалната трпеза (Бенин), штитете ја животната средина (Катар), споделувајте оброци (Костарика) и не претерувајте со оброците (Германија). Бразил предложи алтернативен начин на групирање на храната по нивоа на обработка и препорачува избегнување на ултра-преработена храна. Некои од овие упатства, исто така, нагласуваат дека треба да ги заштитиме нашите природни ресурси и биолошката разновидност на природата, истовремено обезбедувајќи безбедност и исхрана за сите луѓе.
ФАО ги поддржува земјите во развојот, ревизијата и спроведувањето на нивните упатства за исхрана. Служејќи како основа за политиките за исхрана и образовните програми, упатствата за исхрана им помагаат на луѓето да постигнат здрави навики за јадење и начин на живот.
Проверете ги препораките во упатствата за исхрана во вашата земја!
