Кон крајот на 1913-та година беше основана мала германска компанија која се нарекуваше „Rapр Motorenwerke GmbH“ и се занимавала со производство на воени авиони.
Четири години подоцна „Rapp Motorenwerke“ се здружила во компанија која го добила името „Bayerische Motorenwerke GmbH“, денес позната како „BMW“.
Во чест на стогодишнината од основањето на компанијата „Rapp Motorenwerke“ автомобилскиот дизајнер од Македонија, Дејан Христов го дизајнираше моделот „BMW Rapp 100th Anniversary“, концепт кој и покрај тоа што ја има ознаката на „BMW“ нема никаква сличност со современите креации на баварскиот гигант. Но со својот единствен изглед и тоа како остава голем впечаток.
Овој концепт е замислен како двосед роудстер со сосема различна хауба под која може да се стави било каков мотор кој е достапен на пазарот. Го карактеризира многу мало предно стакло и едноставен ентериер кој е фокусиран на возачот.
„BMW Rapp 100th Anniversary“ исто така има преден браник со екстремно агресивен изглед, како и многу мали предни фарови. Автомобилот исто така има богат избор на современи технолошки системи, вклучувајќи ги и дигиталните ретровизори.
На наше жалење овој импресивен примерок на дизајнерот Христов никогаш нема да се најде во сериско производство, што не значи дека не можеме да уживаме во неговите линии и да се гордееме што токму дизајнот на Македонец е избран за прославата на германскиот автомобилски гигант.
