Гледајќи ги рекламите како лесно и брзо некој одреден шампон или балзам косата ја прави неверојатно убава, веднаш започнуваме со купувањето на тие производи. А резултатот и ефектот од рекламите никогаш не се манифестира на нашата коса, како што тоа е случај со девојките од рекламите…
Значи, време е да ги преземете работите во ваши раце и сами да подготвите домашен балзам, кој ќе и одговара на вашата коса…
Состојки:
– 1 жолчка
– 1 супена лажица масло од рицинус
– 1 супена лажица јаболков оцет
– 2 супени лажици од вашиот шампон
– 1 супена лажица купечки балзам или маска за коса
Подготовка:
Одвојте ја жолчката од белката. Ставете ја жолчката во некој соодветен сад. Додадете го маслото од рицинус и јаболковиот оцет. Се добро промешајте, смесата да се изедначи.
Додадете го и шампонот, па потоа балзамот или маската. Повторно добро промешајте. Ќе добиете смеса со густина на јогурт или ретка павлака.
Смесата се нанесува на влажна измиена коса, а врз неа се става најлонска кеса и пешкир. Нанесената смеса се држи така 15-20 минути а потоа се измива со вода. Овој балзам во прво време можете да го користите при секојдневното миење на косата, а по 2-3 недели можете поретко да го користите.
Оваа мерка е доволна за коса со средна должина. Ако имата долга коса, зголемете ги мерките на состојките.
