Животите на повеќе од два милиона деца се загрозени поради глад и неисхранетост во Демократската Република Конго, соопштија Обединетите нации.
„На повеќето од нив им се заканува смрт од глад доколку набргу не добијат помош. Првиот човек на хуманитарната програма на Обединетите нации, Марк Ловук, идната недела ќе се состане со донаторите, но ситуацијата се влошува“, изјави Јенс Лерке, портпаролот на ОН во Женева.
Само во регионот на Касаи повеќе од 300.000 лица немаат никаква помош, ниту храна за да преживеат.
