Сребрениот рококо сад за кафе од 18 век би можел да достигне вредност од шест милиони долари кога во јули во Лондон ќе биде ставен на лицитација, соопшти аукциската куќа „Кристи“.
Богато урасениот сад, изработен во 1738 година во работилницата „Paul de Lamerie“, еден од најголемите филигранисти на своето време, проценета е на дури 4,5 милиони фунти (6,7 милиони долари).
Доколку ја достигне оваа цена, овој сад ќе стане најскапото англиско парче од сребро, надминувајќи го и рекордот кој во моментов го држи сребрениот бокал, кој му припаѓаше на Томас Вентворт, англиски дипломат од 18 век, кој во 2010 година беше продаден на аукција за 2,5 милиони фунти.
Како што пренесува Ројтерс, триножниот сад за кафе со дрвена резбана рачка е украсен со релјефи од сребро, слични на херувими, гранчиња од кафе, листови, школки и глава од лав.
