Легендата на Манчестер Јунајтед Рајан Гигс беше назначен за селектор на Велс, соопштија официјално од локалната фудбалска федерација.
Гигс, кој има 64 натпревари за Велс како фудбалер во периодот 1991-2007, потпиша четиригодишен договор и ќе го води тимот до светското првенство во Катар во 2022-ра година. Рајан Гигс го наследи Крис Коулман, кој замина во ноември, за да преземе Сандерленд.
„Горд сум што ми беше укажана чест да ја водам репрезентацијата. За мене е голем предизвик пред претстојните натпревари за Лигата на нациите и квалификациите за Евро 2020. Со нетрпение очекувам да започнам со работа“, коментира Рајан Гигс во специјално соопштение.
Гигс ја прекине извонредната кариера во 2014-та година и во следните две сезони беше помошник на Луис ван Гал во Манчестер Јунајтед.