„Lexus“ ќе ја претстави везијата со две врати на новиот „IS“ седан во текот на следната година. Додека „IS Coupe“ ќе биде претставен во 2014-та година како производен модел за 2015-та година.
„IS Coupe“ во суштина ќе биде сериска верзија на концептот „LF-CC“ кој дебитираше минатата година на саемот во Париз. „LF-CC“ дели неколку дизајнерски детали со седнот „IS“, вклучувајќи ја и предимензионираната предна решетка и задните светлосни групи кои се вметнати во браникот.
Палетата на агрегати ќе ја делат со седан верзијата, додека за европскиот пазар ќе биде интересна хибридната верзија.
Покрај тоа „Lexus“ најверојатно работи и на „F“ верзија на новиот „IS“ модел. Не е наведено времето на појавување, но следната генерација на моделот „IS-F“ скоро со сигурност ќе дојде со 5.0 V8 агрегат од актуелниот модел. „F“ третманот најверојатно ќе биде пренесен и на „Coupe IS“ моделот.
„Plug-in“ хибридната верзија на моделот „IS“ исто така е во игра, иако е се помала веројатноста поради не така добрата продажба на моделот „Toyote Prius Plug-in“ за разлика од класичниот „Prius“.
