Одделни професии го уништуваат физичкото и психичкото здравје, а дури 26 проценти од вработени на стресни работни места побарале помош од лекар, покажа истражувањето спроведено на Универзитетот Јужна Каролина.
Респираторните болести предничат во однос на сите други професионални болести. Најчесто се јавуваат кај градежниците, а најчеста е азбестозата, прогресивна болест која настанува со вдишување на азбестна прашина или азбестни влакна.
Артритис на стопалата, до кој доведува константното стоење, највеќе ги погодува учителите или професорите, додека пореметувањата во сонот ги предизвикува работата во смени.
Изменетиот ритам на спиење во иднина може да предизвика и недостаток на енергија, потоа појава на зачестени главоболки, отежната концентрација и промени на расположението. Последиците од ваквата лоша психофизичка состојба можат да бидат сериозните грешки или несреќи.
Депресијата е речиси сигурен исход за повеќето кои работат прекувремено, подолго од 11 саати. Кај нив двојно се зголемува можноста за силен напад на депресија. На депресија се подложни и лицата кои заработуваат грижејќи се за другите, како што е домашната нега.
Дури 11 проценти од вработените имале тежок облик на депресија поради чувството на немоќ во однос на болна личност која очекува помош.
