Денешната ждрепка што се одржа во Фудбалската федерација на Македонија во четврт-финалето на националниот куп носи можен дуел помеѓу двете најквалитетни екипи Вардар и Шкендија.
Актуелниот шампион Вардар, за да стигне до двомечот со Шкендија, ќе мора најпрвин да ги одработи осминафиналнниот меч со Шкупи.
Покрај овој дуел, во четврт-финалето ќе има уште едно дерби, она помеѓу бранителот на трофејот во Купот Пелистер и неговиот вечен пелагониски ривал Победа.
Ренова е фаворит во двомечот со Скопје, исто како и Академија Пандев против второлигашот Тетекс.
Дуелите се закажани за 8 и 29 ноември, со исклучок на двомечот каде игра Шкендија, бидејќи Вардар и Шкупи допрва треба да го одиграат својот осминафинален натпревар.
Победникот од овој меч ќе ја пречека Шкендија во четврт-финалето на 17 декември, а реваншот ќе се игра на 21 февруари наредната година.
Четвртфинални двојки во Купот на Македонија:
Пелистер-Победа
Ренова-Скопје
Тетекс-Академија Пандев
Шкупи/Вардар-Шкендија.
