Кошаркарите на Црвена звезда со победа ја започнаа одбраната на титулата во АБА лигата. Тимот кој регионалната кошаркарска лига ја освојува во последните три сезони, во првото коло го победи Морнар со 88:77.
Целосно реновираниот тим на актуелниот АБА шампион, со новиот трнер Душaн Алимпијевиќ, прашањето на победникот го решија во првото полувреме кога стекнаа 17 поени предност.
Матијас Лесор со 22 односно тејлор Рочести со 17 поени, 7 асистенции и 4 скока беа креатори на првата сезонска победа на Црвена звезда.
Македонскиот интернационалец Перо Антиќ победата на својот тим ја гледаше од клупата на резерви.
