Турскиот фудбалски великан Фенербахче во четвртокот официјално го претстави македонскиот репрезентативец Елиф Елмаз. Покрај Елмаз клубот ги престави и Луис Нето, односно Винсент Јансен.
Елмаз од Работнички се пресели во Фенербахче и потпиша петгодишен договор. Фудбалерот кој пред неколку дена стана полнолетен за Фенербахче ќе може да дебитира во јануари.
Фенербахче го престави младиот Елмаз како идна голема ѕвезда на клубот.
„Среќен сум што станав дел од едно вакво фудбалско семејство. Фенербахче е голем клуб, се надевам дека долго ќе бидам дел од него. Моја желба е годинава да бидеме шампиони“, рекол, меѓу другото, Елмаз на промоцијата.