петок, 27 јануари 2023
ПочетнаНАЈНОВИ ВЕСТИВардар лесно го совлада Татран Прешов

Вардар лесно го совлада Татран Прешов

Ракометарите на Вардар запишаа нова лесна победа во СЕХА лигата. Бранителот на трофејот, во вторникот, славеше над Татран Прешов 32:28 (18:11).

Вардар без многу напор стигна до очекуваната победа над словачкиот шампион, кој беше конкурентен десетина минути (5:5). Вардар потоа за три минути успеа да се „одлепи“ на 13:9 и потоа рутински го одработи натпреварот.

Имаше Вардар два пати во второто полувреме предност од девет гола (28:19, 29:20), а во последните девет минути Татран успеа да избори пристоен пораз.

Раул Гонзалес, во пресрет на дуелот во Лигата на шампионите против Нант, многу ротираше, а голема минутажа добија и малдите Ѓорѓевски, Поповски и Ончев. Голманот Ѓорѓевски бранеше во текот на целиот натпревар и имаше осум одбрани, додека Поповски постигна три, а Ончев два гола.

Петмина играчи на Вардар постигнаа по четири гола (Борозан, Циндриќ, Карачиќ, Мораеш, Шишкарев).

Кај Татран најефикасен беше Буторац со осум голови, по пет постигнаа Чип и Урбан, а голманот Чуприна имаше десет интервенции.

НАЈНОВИ ВЕСТИ

ХОРОСКОП