На денот на независноста на Р. Македонија, 8 септември, во 19.00 часот, во галеријата на Македонскиот центар во Њујорк ќе биде отворена самостојна изложба на Гордана Вренцоска со наслов „Неизложено: моите споредни приказни“.
Изложбата ќе го има своето второ претставување, по поставката во Националната галерија на Македонија во октомври 2016 година.
Во ерата на сеопшта изложеност и откривање на приватноста, широкиот свет на уметникот е сепак најмногу видлив низ потесната призма на неговите јавно изложени дела. Но, како е да се изложат „споредните приказни“ од возбудливиот и непрекинат уметнички процес?
Вренцоска за овој проект користи разновидни реди-мејд предмети, уметнички дела, артикли и материјали за масовна, но и лична употреба кои без разлика на првобитната функција со чинот на означување на уметнички предмет, добиваат нова функција – монтажни делови на едно уметничко дело.
Изложбата е финансиски е помогната од Министерството за култура на Р. Македонија, а ќе биде отворена до 14 септември 2017.
