Првиот фестивал на отворено во Крушево „When in Krusevo“ ќе се одржи од 4 до 6 август.
Фестивалот вклучува авантуристички велосипедски и планинарски тури низ недопрената крушевска природа, адреналински тандем параглајдинг од Мечкин Камен, посета на историските знаменитости и музеи, како и многу забава на Крушевското Езеро.
За секој учесник на фестивалот се овозможени тандем летови од Мечкин Камен, еден од омилените европски стартови во овој спорт, со искусните пилоти на клубот Heli XC.
Исто така, за секој учесник обезбедена е посета на: Споменик Илинден, Галерија Мартиновски, Спомен куќата на Тоше Проески.
Во музичкиот дел ќе настапат Фолтин, Рутбој селектор, Бекдор бенд, Галоски, Хај старт, DJ Крејзи слејв и DJ Bapcu.
