Манчестер Сити го отпушти менаџерот Роберто Манчини токму во пресрет на годишнината од освојувањето на титулата во англиската Премиер лига. Веста беше соопштена официјално од клубот. Интересно е што разрешувањето на 48-годишниот тренер се совпадна со прославата за освојувањето на титулата на градскиот ривал Манчестер Јунајтед.
Италијанецот си заминува по 3.5 години работа на чело на „граѓаните“. За неговата промена се зборува веќе подолго време, но откако тој го загуби финалето на ФА Купот против Виган сопствениците одлучија да се ослободат од него.
Како веројатен заменик на Манчини се споменува тренерот на Малага Мануел Пелегрини, а во преостанатите два натпревари до крајот на сезоната Сити ќе биде воден од Брајан Кид.