Утре, со почеток од 11 часот, во Прличевата одаја при НУ. Библиотека „Григор Прличев“ во Охрид ќе бидат промовирани изданија од едицијата „Ѕвезди на светската книжевност“.
Најавено е на промоцијата да говори писателот Тоде Илиевски.
Делата од оваа едиција може и да се купат во НУБ „Св. Климент Охридски“ во Скопје и во националните библиотеки во Охрид, Битола, Штип и Тетово.
На издавачите им е дозволено допечатување примероци и слободна продажба на пазарот.
Цената на книгите е прилагодена и е идентична на производствената цена.
Проектот „Ѕвезди на светската книжевност“ е поддржан од Министерството за култура.