Државните инвестициски фондови и централните банки може да ги намалат британските средства во 2017-та година, откако расположението се намали поради гласањето за излегување од Европската унија (ЕУ), се наведува во извештај на „Invesco“, цитиран од „Bloomberg“.
Околу 41% од институциите кои заедно контролираат средства од околу 12 илјади милијарди долари, изјавија дека очекуваат да заземаат позиции кон распродавање во Велика Британија во текот на оваа година, покажува истражувањето објавено во понеделникот. Велика Британија очигледно се претвори и во најнепривлечниот пазар меѓу развиените земји со 5,5 поени од вкупно 10 во 2017-та година, се наведува во извештајот. За споредба, во 2016-та година земјата имала 7,5 поени.
Ова е многу остро движење за еден од најголемите атрактивни пазари“, вели Алекс Милар, шеф на одделот за државни фондови во Европа, Блискиот Исток и во Европа кон „Invesco“, по телефон. „Кога ќе се разбудам едно утро и инвестициите се во вредност од 20% пониска од претходниот ден, тоа ќе има некакво влијание“, вели тој, говорејќи за драстичната девалвација на фунтата како резултат на гласови околу „Brexit“.
Истражувањето во кое се интервјуирани 97 институции од јануари до март, утврди дека инвеститорите почнуваат да подлежат на сомнение за иднината на Велика Британија како „инвестициски центар“ на Европа. Ова се случува откако премиерот Тереза Меј вети дека ќе цели за добра зделка за финансиската индустрија на Лондон, кога го договори повлекувањето на земјата од ЕУ. Прво, сепак, таа треба да победи на парламентарните избори во оваа недела.
Неизвесноста околу тоа каква трговска зделка Велика Британија ќе се постигне со Брисел принудува многу инвеститори да почекаат развојот на ситуацијата, вели Милар. Околу 54% од испитаниците изјавиле дека нема да наметнуваат промени во доделените средства, додека не може да се оцени долгорочното влијание на „Brexit“, покажува истражувањето.
Според извештајот САД се сметаат од инвеститорите за најпривлечен пазар за инвестиции со 8 од 10 поени. Германија е на прво место во Европа со 7,8 поени, а Италија и Франција добиваат проценки од 6,1 поени. Јапонија е со 6,6, а Индија со 6,1 поени.
Според извештајот државните фондови и централните банки остануваат под обложената цел за враќање со просек 2 процентни поени во последната година.
Фондовите кои „Invesco“ ги дефинира како „инвестициски државни“ и кои имаат долгорочен хоризонт и повисока цел за враќање, остануваат под цели со 3,7 поени, а кај „фондовите за развој“, кои го промовираат локалниот раст, резултатите се со 3,1 поени послаби.
Владите освен тоа внесуваат помалку средства во фондовите – во просек околу 5% од вредноста на управуваните средства во 2017-та година во однос на 8% во 2015-та година. Тоа ги принудува инвеститорите да бараат средства со висок принос како луксузни канцеларии и комерцијални недвижности.
Новите инвестиции во недвижности се финансираат главно од средства со фиксна принос, велат 48% од испитаниците.
