Германскиот производител на спортска опрема Адидас соопшти дека ги охрабрува работниците во фабриките од своите азиски добавувачи, евентуалните жалби анонимно да ги праќаат директно во компанијата по пат на текстуални пораки преку мобилните телефони.
„Телефонската линија за пораки ќе им овозможи на вработените едноставно да испратат СМС порака кога ќе сметаат дека нивните права се прекршени“, соопшти компанијата која е во сопственост на брендот Рибок.
Од компанијата очекуваат со овој потег да го надминат комуникацискиот јаз меѓу менаџерите и работниците.
Компанијата соопшти дека идеата успешно е тестирана во фабриката на добавувачот од Индонезија и сега ќе биде применета во уште четири во таа земја како и во една фабрика во Виетнам.
