Додека Франкфурт, Париз и Даблин се натпреваруваат кој ќе ги првилече финансиските компании кои може да го напуштат Лондон по „Brexit“, две од најголемите јапонски банки тивко го засилуваат своето присуство на друго место: Амстердам.
„Mitsubishi UFJ Financial Group“ и „Mizuho Financial Group“ ги зголемуваат единиците во холандскиот град, каде и двете банки имаат банкарски лиценци кои им дозволуваат да им служат на клиенти во цела Европска унија, раскажува „Bloomberg“.
Тие сепак треба да одлучат за местото каде ќе управуваат со нивните бизниси со хартии од вредност во регионот, ако излегувањето на Велика Британија од ЕУ го направи Лондон потешко место за извршување на одредени услуги за европските клиенти, на пример обезбедување на емисиите или дериватите.
Слично на глобалните колеги, јапонските банки и брокерските куќи вработи илјадници вработени во Лондон и внимателно го следат развојот околу „Brexit“, за да утврдат дали да го преместат тимот и каде да го позиционираат. Иако трката меѓу финансиските престолнини на Европа продолжува, Амстердам е привлечна дестинација поради релативно ниските цени на канцелариите, умерените даноци и одличното познавање на англиски јазик.
„MUFJ“ – најголемата јапонска банка, сакаше да изгради канцеларии во Амстердам дури пред „Brexit“ да стане реалност, бидејќи нејзината желба е градот да служи за центар на активноста на европскиот континент. Три од европските канцеларии на доверителот почнаа да поднесуваат извештаи од Амстердам во минатата година, а банката планира да го стори истото со осум други, вклучувајќи ги Германија, Шпанија и Португалија од 1-ви април, вели Наоки Мизогуши главен менаџер на единицата за глобално планирање.
Вториот по големина кредитор на Јапонија по средства – „Mizuho“, размислува меѓу Амстердам и Даблин како потенцијални локации каде да ја базираат брокерската поделба, ако има „hard Brexit“, рече претседателот на банката Јасухиро Сато во интервју во јануари.
„Ќе треба да создадеме структури кои ќе ни овозможат да ја извршуваме нашата стратегија“, без разлика дали тоа ќе биде во Холандија, Ирска, Германија или Франција, вели Кенџиро Оиши, висок менаџер на единицата за глобална корпоративна координација. „Природно е овие земји да бидат во листата“, вели тој, додавајќи дека „Mizuho“ овој месец ќе одлучи каква е општата насока.
За „MUFG“, „Mizuho“ и конкурентот „Sumitomo Mitsui Financial Group“ работат околу 6.800 луѓе во Европа. Околу 4.500 од нив се поставени во Лондон, која е нивната база за Европа, Африка и Блискиот Исток.
Најголемите јапонски компании за хартии од вредност, исто така прават планови околу „Brexit“. „Nomura Holding“ има брокерски дозволи во земји како Франција и Холандија и се потпира на т.н. право на паспортизација за пристап до клиенти на места како Германија и Шпанија. „Daiwa Securities“ размислува за Франкфурт и Даблин, за да ги организира европските операции, кои може да ги изнесат од Лондон, рече главниот извршен директор Такаши Хибино во јануари.
Со живописните канали, велосипетските патеки и големиот меѓународен аеродром Амстердам е атрактивно место за живот и покрај политиката. Банки, вклучувајќи ги „ING Groep“ и „ABN Amro Group“, се базирани во градот, заедно со берзата „Euronext“ и повеќе технолошки стартапи.
