Голем број од граѓаните на земјите членки на ЕУ се почесто се одлучуваат да купуваат велосипеди наместо автомобили, за кои се смета дека од 1990-та година вака лошо не се продавале.
Во ЕУ расте продажбата на велосипеди, а паѓа на автомобили
Во првите три месеци од 2013-та година во земјите на ЕУ продадени се 9.7 проценти помалку автомобили во однос на истиот период во 2012-та година, а во февруари 2013-та беа продадени најмалку автомобили во ЕУ од било кој друг месец од 1990-та година, откога е започнато да се води статистика за продажбата на возила.
Во текот на 2012-та година беа регистрирани 12 милиони нови возила, а продажбата бележи пад за 8.5 проценти во споредба со 2011-та година. Според проценките се очекува и оваа година продажбата на автомобили би можела да забележи пад од пет до осум проценти во однос со 2012-та година.
Од друга страна граѓаните на ЕУ последните неколку години поради големата економска криза и зголемените месечни трошоци се повеќе се насочуваат кон купување на велосипеди, па така продажбата на овие превозни средства од 18.9 милиони во 2000-та година се зголеми на 20 милиони во 2011-та година. Со други зборови на секој продаден автомобили граѓаните купуваат скоро два велосипеди, па така во Германија во периодот од 2002-та до 2011 продажбата на велосипеди се зголеми на 50 проценти.