Изложбата „Les yeux de la mama“ ќе биде отворена во среда вечер во концептуалната продавница „Wonderlust“, на улица Македонија во Скопје.
На изложбата ќе бидат претставени нови и симболички дела на Крсте Анастас Глигорјадис и Христина Тарабунова, каде што извор на инспирација се очите.
Појдовна точка е погледот на секоја мајка како портал на чистотата, немирот и безусловната љубов. Делата се надреално претставени и носат длабока мистичност и носталгичност. Авторите ja потикнуваат длабоко поетската уметност претставувајќи ја на меланхоничен и едноставен начин.
Настанот музички ќе биде поддржан од Dj George Lee.
