Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, во петокот, регистрира земјотрес чии епицентар се наоѓа во соседна Р. Албанија.
Земјотресот се случи во 06 часот и 08 минути со Рихтерова локална магнитуда 4.0. Истиот бил почувствуван во северозападните делови од територијата на Р. Македонија, со интензитет од III степени според Европската макросеизмичка скала.
