Интер успеа да го задржи Мауро Икарди, откако капитенот потпиша нов договор кој важи до 2021 година. За Аргентинецот во летниот преоден рок интерес покажуваа неколку англиски тимови и Наполи.
Икарди потпиша нов договор со Интер и стана еден од најплатените играчи во Серија А. Според новиот договор напаѓачот ќе има годишна плата од 5,5 милиони евра. Наведената сума може да биде и поголема во зависност од бонусите кои се вметнати во договорот: на секои десет постигнати голови ќе добива по 200.000 евра, пласман на Интер во Лигата на шампионите ќе му донесе исто така 200.000 евра, а титулата во Серија А 150.000 евра.
Во договорот стои и клаузлата дека Икарди ќе може да го напушти клубот доколку некој издвои 110 милиони евра.
Икарди во Интер пристигна во 2013 година од Сампдорија и досега има постигнато 58 голови.