Ликовниот уметник Благоја Маневски, писателот и новинар Раим Ганији, пијанистката Елена Мисиркова и актерот Атила Клинче, се добитници на наградата „11-ти Октомври“, која им се доделува за животно дело.
Одборот за доделување на државната награда „11-ти Октомври“, согласно Законот за државните награди донесе одлука за доделување на државната награда „11-ти Октомври“ во 2016 година за највисоко признание за животно дело во областа на науката, уметноста, стопанството и другите дејности од јавен интерес на Република Македонија
За животно дело во областа на културата и уметноста, наградата им се доделува на Благоја Маневски, ликовен уметник, Раим Ганији, писател и новинар, Елена Мисиркова, пијанистка и на Атила Клинче, актер.
Оваа одлука стапува во сила од денот на донесувањето и ќе биде објавена во ,,Службен весник на РМ“.
Наградата на добитниците ќе им биде врачена на 11 октомври 2016 година, во вторник, во 12 часот во Собранието на Република Македонија.