Контроверзниот напаѓач Марио Балотели имаше нестварно деби за својот нов тим, Ница. Балотели постигна два гола во дербито на Азурниот брег, против Олимпик Марсеј, во кое Ница победи со 3-2.
Балотели доби стоечки овации кога истрча на стадионот во Ница, а тој на своето деби навивачите ги почести со два гола. Првиот го постигна во седмата минута од пенал, за водство на неговиот тим од 1-0, а вториот во 78.минута кога израмни на 2-2.
„Конечно третман каков заслужува“, напиша Ница на клупскиот Твитер профил за пречекот на Балотели.
По првиот гол на Балотели, голови за Марсеј постигнаа Тован и Гомис од пенал, а трите бода за Ница ги донесе Беланда на две минути пред крајот.