Секоја нова генерација од моделот „BMW M5“, компанијата „Hamann“ ја модификува според вкусовите на своите клиенти. Ни последнта генерација не ја прескокна познатата германска работилница. „Hamann Motorsport“ во новото возило на баварскиот гигант го вгради долгогодишното знаење и искуство, а резултатот е повеќе од атрактивен.
Експертите во „Hamann Motorsport“ сметаат дека новиот M5 има прилично конзервативен дизајн и дека не изгледа така како што тоа се очекува од автомобил со така одлични карактеристики. Па затоа овој моќен седан го подготвија да биде единствен.
Се почнува со предниот дел на автомобилот каде најпрво се приметува агресивно дизајнираниот браник со интегрирани дневни LED светла. Браникот на двете страни на автомобилот е проширен по три сантиметри и претставува почеток на атрактивниот бодикит. Експертите особено внимание посветија на масата на автомобилот, па затоа сите делови се изградени од карбон и на вкупната тежина се додадени само 6.4 килограми (преден браник, прагови, крила и заден браник).
Во задниот браник е интегриран дифузор за воздух и атрактивен издувен систем. На багажникот се наоѓа спојлер, како и над задното стакло. Клиентите можат да изберат една од двете понудени теми на дизајн. Стандардната „Anniversary Evo Hyperblack“, а повисокото ниво на модификација се нарекува „Unique Forged Formula“. Пневматиците имаат ширина од 265 милиметри на предните тркала и 305 на задните, а нивни производител е „Vredestein“.
И ентериерот на автомобилот претрпе одредени промени. Како што можеше да се очекува внатре се наоѓаат крабонски детали, алуминиумски ножни команди, кожни облоги во боја на каросеријата.
