Доколку вашата работа не вклучува многу физичка активност, тешко е постојано да бидете здрави. Проблемот станува покомплициран доколку работите на компјутер, бидејќи тогаш сте принудени да седите со часови во иста положба и да гледате во мониторот. Меѓутоа, постојат едноставни начини на помош со кои можете да внимавате на своето здравје во текот на работното време…
1. Правете мали паузи
Доколку на вашата работа морате да седите со часови, задолжително правете мали паузи за да се раздвижите малку. Можете да прошетате до тоалетот или до кафетеријата.
2. Внимавајте што и колку јадете
Лоша работа, кога јадете на работното место, е тоа што всушност не сте свесни што и колку јадете. Тоа може да влијае не само на вашата тежина туку и на вашето здравје. Доколку навистина ви се јаде нешто, обидете се тоа да биде некое овошје или зеленчук.
3. Пијте многу вода
Секогаш е важно да внесувате многу течности. Кога сте во положба на мирување и седите, мислите дека не сте жедни, меѓутоа, на вашето тело секогаш му е потребна вода.
4. Правете мали вежби
И во канцеларијата можете да правите мали вежби за истегнување за да се опуштите.
5. Намалете го внесувањето на кафе во организмот
Многумина луѓе кои многу време поминуваат на работа, не можат без кафе. Главната причина е поради тоа што кафето им дава енергија и ги буди. Меѓутоа, доколку сакате да останете здрави на работа, намалете го пиењето кафе.
6. Одморете се од мониторот
Вашите очи се одраз на вашето здравје. Правете кратки паузи за да ги одморите очите. Немојте да ги триете туку, доколку можете, малку натопете ги со вода.
