Германското министерство за финансии предвидува долгорочен буџетски план за намалување на јавниот долг на земјата од актуелните 80,5 проценти од БДП, на 69 проценти од БДП до крајот на 2017 година.
Значителното намалување на долгот ќе биде возможно кога земјата ќе го избалансира својот буџет и ќе го намали нивото на нови задолжувања, се наведува во соопштението од министерството, а пренесува агенцијата АП.
Се очекува дека буџетскиот дефицит на Германија за оваа година ќе изнесува околу 0,5 проценти од БДП, што е значително под границита на ЕУ од три проценти.
Оваа изјава покажува дека постојат големи разлики меѓу Германија, како најголема европска економија и одделни други членки на европскиот блок, од кои пет беа принудени да бараат пакет помош подари влошувањето на јавните финансии.
Германија до сега успеа да ја издржи финансиската криза, остварувајќи скромен економски раст.