За оние кои се прашуваат какви се ефектите од одлуката на Британците да ја напуштат Европската унија (ЕУ), поранешниот уредник во „Wall Street Journal“ и носител на наградата „Пулицер“, Марк Вајтхаус ја поткренува малку „завесата“ пред „Bloomberg View“ – 165 милијарди долари.
Според моделот создаден од економисти од Њујоршкиот универзитет употребен регуларно за спроведување на поедноставени стрес тестови за најголемите светски финансиски институции, најголемите американски и европски банки се полоши за 165 милијарди долари.
Моделот го прашува пазарот што мисли за вредноста и ризиците на банкарските средства, ги користи овие информации за да пресмета што би се случило со банките во случај на сериозна криза и покажува колку дополнителен капитал ќе треба да набават, за да избегнат дополнителен стрес.
Дури пред „Brexit“ моделот претпоставуваше дека банките биле многу кревки во споредба со резултатите од официјалните стрес тестови. На 31-ви мај моделот покажува дека најголемите банки во САД, Велика Британија, Германија, Франција и Италија (оние со средства со над 500 милијарди долари) би имале заеднички капитален недостиг во износ од 998 милијарди долари.
По „Brexit“ првото отскокнување е значително. Кон 28-ми јуни – до 1,163 илјади милијарди долари, што претставува зголемување за 165 милијарди долари.
Еве го и дефектот на земјите во милијарди долари:
За да се даде идеја за потенцијалниот товар на даночните обврзници во случај на државна поддршка за банките, еве како би изгледал капиталиот недостиг на бруто домашниот производ на секоја земја:
Зошто звучи песимистички? За британските банки е јасно – аналитичарите очекуваат висока неизвесност и други проблеми поврзани со „Brexit“ кои треба да го поткопаат економскиот раст, што во замена би ја намалила можноста за профит и би го отежнало враќањето на кредити.
Француските и италијанските банки можат да настрадаат од загриженоста за европскиот економски раст и веројатноста гласачите да го следат примерот на Велика Британија.
За државните банки е тешко разбирливо, иако профитот може да настрада ако стравувањата во врска со „Brexit“ ги натераат Федералните резерви да ги држат каматните стапки пониски.
Генерално пазарите се обновија од 28-ми јуни наваму, а акциите на американските банки се справуваат релативно добро, откако го поминаа последниот круг од стрес тестови на ФЕД. Затоа следниот тест на моделот ќе покаже помал недостиг.
Но првичната пресуда на пазарот е јасна – „Brexit“ се одразува прилично лошо на банките.
