Стрес тестовите создадени за банките од американските регулатори по финансиската криза од 2008-ма година, оваа недела можат да ја покажат користа од себе, испраќајќи сигнал за отпорност во екот на превирањата по гласањето на Велика Британија за напуштање на Европската унија (ЕУ), соопштува „Ројтерс“.
Федералните резерви во среда ќе ги објави резултатите од стрес тестовите на големите банки, кои се одржуваат секоја година од 2009-та година. Тестовите покажуваат колку се силни банките во случај на непредвидена криза, при економии во процес на слободен пад, нагло опаѓање на берзи и ризик од банкрот на пазарните изведувачи.
Според аналитичарите резултатите од тестовите треба да бидат „лек“ за загрижените инвеститори по гласањето на Островот.
Инвеститорите можат да се смират во предвид на фактот дека сценаријата на ФЕД, врз основа на кои се спроведуваат стрес тестовите се многу построги од она со што банките се соочуваат како резултат на „Brexit“.
При стандардизиран стрес тест, силното негативно сценарио на ФЕД е моделирано врз основа на сценарио, каде што акциите губат половина од вредноста, а невработеноста достигна 10%.
Резултатите од стрес тестовите треба да покажат дека американските банки можат да ги задржат дивидендите на стабилни нивоа и дури да ги зголемат и имаат капацитет да се справат со пазарните турбуленции, слични на оние предизвикани од резултатите од гласањето за „Brexit“.
