Дека Германија не мисли само на своите граѓани, туку и на сите оние кои имаат желба да дојдат, работат, живеат и уживаат во убавината на нивниот начин на живот, е докажано повеќе пати.
Најнов доказ за тоа се и олеснувањата кои стапија на сила од 1-ви јануари оваа година за вработување на „NON-EU“ граѓани во Германија.
Имено, Германците знаат дека основен проблем е да се пронајде работодавач, како за нивните граѓани, така и за странците кои сакаат да работат кај нив.
Во Германија веќе неколку години вообичаена форма за барање работа е од удобноста на својот дом: Преку интернет и „online“ пријава.
Во продолежение можете да ја погледнете процедурата, но и сите линкови кои Германското биро за вработување ги подготви за сите оние кои сакаат да работат во оваа земја.
Процедурата е следната:
1. Напишете биографија во која треба да се наведат сите детали кои се потребни работодавачот да ги знае за вас.
Постојат три начини како да го сторите тоа: Сами напишете во „ворд“ или некој друг програмски пакет за пишување и сочувајте го како дигитален документ (најдобро во „pdf“), другиот начин е да ја пополните „online“ пријавата, а можете да изберете на кој јазик сакате да го сочувате вашето „CV“, вметнете ваша фотографија, скенирајте ги дипломите и во таа „online“ пријава сочувајте ја на вашиот „диск“ (меморијата на компјутерот) или директно зачувајте ја како „pdf“ на вашиот компјутер (треба да се напомене дека кај таквите видови на формулари повеќето може повторно да се вчитаат на истата страна и да се променат потребните податоци), a како трето можете да му платите на некој да го стори тоа место вас.
2. Напишете молба: стандардната молба кој започнува со воведниот дел дека се пријавувате за одреден (xxxx) oглас, зa oдредена (xxxx) компанија, како и дека сакате да работите кај нив, а во истата молба наведете се што приложувате од документи, како што се: „CV“, дипломи, сертификати, потврди за работно искуство, потврди од поранешните работодавачи за тоа какви работници сте биле и што сте работеле, дипломи за положен јазик, евентуално копија од пасош, возачка дозвола доколку имате. Со други зборови се што поседувате. Напомена до сите е да не измислувате, затоа што работодавачот ќе го провери наведеното (доколку се одлучи вас да ве вработи).
3. Скенирајте ги сите документи во наведени во точка 2 (молба) и сочувајте ги, а истите можете во точка 1 да ги приложите во „CV“; веќе станува збор за вкус како ќе ви изгледа папирологијата/документацијата.
4. Комплетната документација испратете ја на работодавачот во дигитална форма на неговата електронска адреса. Треба да се напомене дека сите документи треба да бидат преведени на германски јазик.
5. Постојат одредени интернет страни за барање на огласи или работодавачи кај кои можете да се рагистирате (бесплатно или со одредени подобри понуди за работа регистрацијата се наплатува, во зависност од страната).
Oва се линковите кои германската влада ги подготви за барање на работа:
www.job-consult.com/jobsuche_uebersicht
www.jobzone24.de jooble-de.com
www.kalaydo.de/anzeigen/stellen
www.kleinanzeigen-landesweit.de/kategorie-46
www.meinestadt.de/deutschland/jobs
www.offene-stellenangebote.com
