Првите две книги на десеттомната едиција посветена на Античката философија и нејзиното влијание од академик Витомир Митевски, излегоа од печат во издание на „Матица македонска“ од Скопје.
Во првата книга авторот ја обработува темата за почетоците на западната филозофија (претсократовци), а втората книга е научно монографско издание посветено на делото на Сократ.
Според Витомир Митевски, основната идеја на едицијата е да понуди сеопфатен поглед на темелните вредности на античката философија. Притоа во овие книги се презентира она што на еден субјективен план е најзначајно и кое извршило силно влијание врз развојните историски процеси и философски текови.