„Volkswagen“ претстави концепт кој е предвесник на нов теренец. Моделот го добил името „T-Prime Concept GTE“, а ќе дебитира пред публиката на автосаемот во Пекинг.
Концепт возилото е опремено со хибриден агрегат, во кој влегуваат електромотор, нудејќи 135 КС, 2.0-литарски бензински мотор со 251 КС, 8-брзински автоматски менувач и сет батерии со капацитет од 14,1 kW/ч. Вкупната моќност е 380 КС и 700 Нм вртежен момент.
Погонскиот агрегат има три режима на работа. При „E-Mode“ кросоверот се движи само на електрична енергија, а може да помине до 50 километри. Во режимот „Hybrid“ работат и двата мотори, но се комбинираат така што да се заштеди гориво.
При активирање на „GTE“ повторно двата мотора работат заедно, но овој пат нудат целосна власт. Во овој случај се менуваат поставките на педалот за гас, на управувачот и менувачот. Ова му овозможува на „Volkswagen T-Prime Concept GTE“ да забрзува од 0 до 100 км/ч за помалку од 6 секунди и да развива максимална брзина од 222 км/ч.
Батериите на прототипот можат да се полнат, како за време на движењето со помош на електромотори, така и од електричната мрежа. Во вториот случај целосното полнење трае 8 часа. Во присуство на посебна станица за полнење времето е 2 ипол часа.
Прототипот располага со систем за погон на сите четири тркала со централен диференцијал со зголемено триење. Автомобилот е изграден на платформата „MLB“, која е користена и за втората генерација на „Audi Q7“. Должината на концептот е 5069 мм, широчината е 1998 мм, а висината е 1706 мм. На овој начин моделот е за 268 мм подолг, за 58 мм поширок и за 3 мм понизок од сегашната генерација на „VW Touareg“.
Во внатрешноста на „Volkswagen T-Prime Concept GTE“ впечаток оставаат дигиталниот Инструмент панел и екранот на мултимедијалните системи, кои се сместени во еден блок. Се очекува овој пристап да се користи и во сериските автомобили на германската марка во 2016-та година.
Инструмент панелот е со дијагонала од 12 инчи, а на екранот освен комбинацијата од класичните инструменти кои се отстранети, се и податоците за навигацискиот систем. Екранот на мултимедијалниот систем е 15-инчен, а тој може да се управува со гестови или со гласовни команди.
Покрај тоа, возилото има две одделни седишта за патниците кои се возат во задниот дел, од кои може да се управува со системот за климатизација. Патниците имаат на располагање и два екрани за мултимедијални системи.
Засега се уште не е јасно што точно ќе претставува „T-Prime Concept GTE“ при појавата во сериско производство. Според едни извори тоа ќе биде новата генерација на „Touareg“, но според други возилото ќе стане верзија на „Tiguan“.
