Бизнисот на германските извозници се развил во февруари значително подобро од очекувањата, а причината за тоа е силната побарувачка во Европа и поскапото евро, како и забавувањето на растот на главните економии во развој, вклучувајќи ја и Кина.
Извозот забележа раст од 1,3 отсто на месечна основа, покажуваат податоците на Институтот за статистика. Така тој се зголемува речиси трипати посилно во однос на очекувањата на аналитичарите, кои се надеваа на раст од 0,5 отсто во февруари по намалувањето за 0,6 проценти во јануари. Тоа е најголемиот раст на показателот од септември, прецизира германската статистичка служба. Пред тоа во два последователни месеци беше регистриран пад на извозот – во јануари за 0,6 отсто, а во декември – со 1,3 отсто.
Генерално германските компании продале стоки во вредност од 99,5 милијарди евра зад границата, со 4,1 отсто повеќе отколку во февруари 2015-та година. Особено силно расте извозот на земјите од Европската унија, а тука зголемувањето е за 5,5 посто. Притоа кај бизнисот со држави кои не се членки на еврозоната, како Полска и Велика Британија, има пораст од 9,3 отсто.
Сојузот на извозниците на Германија, „BGA“, очекува за 2016-та година раст на извозот од 4,5 отсто. Со тоа германските компании ќе ги прошират своите удели на надворешниот пазар, откако Светската трговска организација ја очекува пораст на глобалната трговија од едвај 2,8 отсто за истиот период.
Увозот на Германија исто бил повисок од очекуваното, зголемен за 0,4 проценти во февруари по раст од 1,3 отсто во јануари, прецизира статистичката служба. Аналитичарите очекуваа пад за 0,3 проценти.
Трговскиот суфицит порасна до 20,3 милијарди евра во споредба со 13,4 милијарди евра во јануари. Пред една година, во февруари 2015-та година вишокот бил во износ од 19,42 милијарди евра.
Германија предвиде трговски суфицит од 1952-ра година, главно поради силниот извоз на возила и други машини. Во 2015-та година главните трговски партнери на земјата биле САД, Франција и Холандија, а најголемите трговски вишоци се земени од САД, Велика Британија, Франција, Австрија и ОАЕ. Германија има трговски дефицит кон Кина, Холандија, Норвешка, Русија и Виетнам.
