Здружението на граѓани „ФАД Стоби“, како организатор на културната манифестација „Рацинови Средби“ 2016, во соработка со издавачката куќа “Култура“, објавуваат Кконкурс за наградата „Антологија на болката“.
Наградата „Антологија на болката“ е награда на културната манифестација „Рацинови средби“ за најдобра дебитантска и необјавена поетска збирка љубовна поезија од современ македонски поет.
Целта на наградата е афирмација на дебитанти и млади автори на современата македонска поезија.
Наградата се состои во публикација од страна на издавачката куќа „Култура“, како и промоција на публикацијата во рамки на манифестацијата „Рацинови средби“ 2016.
На конкурсот за наградата можат да учествуваат поети со дебитантски и необјавени збирки љубовна поезија.
За наградата на конкурсот ќе одлучува стручна жири-комисија. Конкурсот трае до 5 мај 2016 година.
Дебитантските и необјавени поетски збирки треба да се достават по електронски пат на следната мејл адреса: [email protected].
