Капитенот на Интер, Мауро Икарди, поради повреда на коленото ќе отсуствува од фудбалските терени еден месец, пренесе Skay Sports.
Интер, во саботата, славеше на Болоња (2:1) и остана во трката за третото место, кое носи пласман во квалификациите за Лигата на шампионите.
Мечот со Болоња, Икарди го напушти по само десет минути игра, а по деталните прегледи в понеделник, ќе биде познато и колку е сериозна повредата.
Поради повредата, аргентинскиот напаѓач, ќе го пропушти дербито со Рома кое на програмата е наредната недела.
Мауро Икарди, минатата сезона беше најдобар стрелец во Серија А, со 22 постигнати голови, во тековната сезона во италијанското првенство тој 12 пати ги тресел противничките мрежи.