Европската унија (ЕУ) наметнува давачки од 13% на увоз на челик од Кина, користен за јакнење на бетон. Тоа е уште еден знак за загриженоста на ЕУ кон прекумерна продуктивност на кинеските фабрики, коментира „Bloomberg“.
Царините се вид казна против кинеските извозници кои продаваат челична арматура за јакнење на бетон во ЕУ по цени под нивната цена, практика позната како дампинг. Меѓу компаниите кои подлежат на царински давачки се „Jiangyin Xicheng Steel“, „Jiangsu Yonggang Group“ и „Zhangjiagang Shatai Steel“.
Конкурентите кои се базирани во ЕУ, како „Celsa“ и „Riva“, претрпеле „значителна штета“ како резултат на увезениот челик од Кина, објави Европската комисија во официјалниот журнал. Царините, кои ќе влезат во сила од сабота, се за шест месеци и може да се продолжат до пет години.
Во предвид на веќе изречената антидампинг заштита на ЕУ против кинески стоки се движи од нерѓосувачки и електричен челик до челични жици, новите мерки се одразуваат на европските стравувања дека кинеските фабрики имаат капацитет да ги „поплават“ светските пазари. Кина, која формира околу половина од глобалното производство на челик и го предвиде најслабиот економски раст по повеќе од две децении во 2015-та година, на 24-ти јануари, вети дека ќе го скрати својот капацитет за производство на челик.
Кинеските извозници го зголемиле својот удел на пазарот на ЕУ за челична арматура за јакнење на бетон до речиси 36% во 12-те месеци до март 2015-та година од 7,9% во 2013-та година и нула ниво во претходните години, рече денеска комисијата.
Анти-дампинг давачките се првиот резултат од истрагата што комисијата ја започна во април 2015-та година. Таа беше иницирана по жалба од европската индустриска група за челик „Eurofer“ од името на производители, формирајќи над четвртина од производството на слична арматура во ЕУ.
Привремените давачки се движат од 9,2% до 13% во зависност од кинескиот извозникот.
