Филмот „Повратник“ (The Revenant), кој е годинашниот освојувач на наградата „Златен Глобус“ и е главен фаворит за освојување на наградата „Оскар“ во неколку категории, вечер ќе го има премиерното прикажување во кино Милениум.
„Повратник“, на одличниот Alejandro González Iñárritu, со фантастична актерска екипа предводена од несомнено актерот број еден во моментов Leonardo Di Caprio, дополнета со убедливите Tom Hardy, Domhnall Gleeson, Will Poulter, Paul Anderson во главните улоги, раскажува приказна за моќта на човекот да се справи и со најтешките предизвици, кога во него тлее желбата за преживување и одмазда.
