Дали ви се допаѓа или не, политиката е присутна и на вашата работа. Како? Преку свесно работење на сите вработени во правец на исполнување на личните интереси – унапредување, зголемување на платата, подобри услови за работа, поголема контрола и независност.
Најпрво, прифатете го фактот дека сите луѓе не се исти. Тие се разликуваат по своите вредности, ставови и мотиви кои ги движат. Меѓутоа, дури и кога ќе успеете тоа да го прифатите и понатаму е тешко да работите со луѓе со кои не делите исти ставови, вредности и мотиви, поради што можат да настанат конфликти на работното место.
За да ги исполните работните задачи, морате да најдете заеднички јазик и разбирање, да изградите подобра врска и комуникација. Како? Еве неколку совети:
Бидете паметни. Определете се дали сакате да земете мислење од другите или сакате да го застапувате своето мислење во секоја конкретна ситуација. Не е се црно и бело и не е добро да се однесувате на еден од двата начина. Ако секогаш се борите против мислењето на другите луѓе, само ќе го навлечете гневот од нив и ќе наидете на отпор, но ако секогаш мислите дека е најдобро она што го кажуваат другите, ќе мислат дека сте наивни и подложни на манипулации. Најдете златна средина и делувајте онака како што е најдобро за вашата кариера во дадениот момент.
Фокусирајте се на работата, а не на вашите разлики со колегите. Избегнете конфликт така што ќе ставите акцент на важноста на постигнувањето на деловните цели и обидете се тоа на сите да им го покажете. Разговарајте со сите и покажете им дека сте решени да ја сработите работата најдобро што можете. Промовирајте ги своите вредности и барајте решенија во кои сите победуваат, и вие и вашите колеги.
Не бирајте страна. Можете да се најдете во средина на расправија помеѓу две влијателни страни, подеднакво важни за вашиот деловен напредок и развој. Во таква ситуација не е добро да бирате страна, бидејќи лесно можете да се најдете на онаа „губитничката“ страна. Немојте да предизвикувате конфликт преку ширење на непроверени информации и трачеви. Наместо тоа, најдете платформа каде заедно ќе комуницирате и ќе пронајдете решение кое е прифатливо за сите страни.
Конфликтот не го разбирајте лично. Деловната политика која често ја водат вашите колеги не е по ваша мерка. Нивните постапки можат да ве налутат, изнервираат, вознемират. Сепак, понекогаш морате да ги прифатите волјата и мислењето на колегата, особено на оние кои имаат повеќе моќ и влијание од вас. Немој да бидете злопамтило и подготвени на одмазда. Така создавате непријатели кои ќе ја чекаат првата можност да ви вратат за се. Продолжете да соработувате и биде крајно професионални.
Разберете ги другите. Емпатијата е нешто што се поретко се споменува во контекст на работата. Често бараме другите да не разбираат и да гледаат на работите на ист начин како и ние, а ние тоа никогаш не го правиме. За луѓето да можат да најдат заеднички јазик, треба длабоко да се размисли зошто некои се однесуваат така како што се однесуваат и какви мотиви стојат позади таквото однесување. Кога ќе се обидете да ги разберете другите, бидете сигурни дека и другите полесно ќе ве разберат вас. Вашата комуникација ќе биде поотворена, а доаѓањето до решенија ќе биде побрзо и полесно.
