Турција треба да ги зајакне своите инвестиции во инфраструктурата, за да даде поттик на една нова ера на брз раст на најголемата економија во Блискиот Исток, изјави еден од топ економските советници на турскиот претседател Реџеп Таип Ердоган, цитиран од „Bloomberg“.
Според него примарните буџетски суфицит под управувањето на Партијата на правдата и развојот (АКП) ја зајакнаа кредитоспособноста на Турција и го намалија соодносот на државниот долг кон бруто домашниот производ за повеќе од половина. Но ќе бидат потребни поголеми трошоци за железници, пристаништа и енергетски водови кои ќе помогнат за трансформирање на економијата во поконкурентна и за создавање на „новата историја на Турција“, која ќе привлече странски инвестиции, тврди Џемил Ертем во интервјуто.
Коментарите на Ертем ја покажале потенцијалната промена во политиката на владата, која одговори на светската финансиска криза преку одржување на фискална дисциплина, а тоа помогна за враќањето на добриот инвестиционен статус во 2013-та година. Покрај тоа неговите зборови одразуваат двете половини во управувањето на (АКП) – растот по турбуленциите на пазарот во 2008-ма година, кој е помал од половина од просекот од над 6% пред случката, и падот на лирата со над 20% во текот на оваа година.
„Може да се применат некои значителни празнини во буџетот и за некое време може да се влоши фискалниот баланс, ако овие инфраструктурни проекти бидат започнати. Но на среден рок, кога ќе се создадат овие надворешни фактори, индустријата станува поконкурентна на светски план, што помага за обновување на основните макроекономски индикатори и забрзување на економскиот раст“, посочува тој.
Истовремено „Moody’s“ тврди дека несигурноста во однос на идните економски политики на Владата е дел од причината таа да одржува негативен изглед за турската економија.
Ертем, кој стана главен советник на Ердоган во јануари, изјави дека визијата за брз раст се потпира на монетарната и фискалната политика, кои го поддржуваат создавањето на работни места и пошироките економски цели на владата.
Некои економисти тврдат дека Турција не може да се врати на истиот економски модел од ерата на забрзаниот раст, кој беше поткрепен со побарувачката на клиентите и високата ликвидност.
Иако дел од членовите на владејачката АКП ја обвинуваат централната банка за попречување на растот со премногу високите каматни стапки, Ертем изјави дека критиката е „ниту корисна, ниту е значајна“.
„Она што централната банка треба да го направи, е да прифати монетарна политика, која исто така се фокусира на создавање на работни места и ги поддржува економските цели на владата“, категоричен е Ертем.
