Многу интересни нешта се случија во оваа 2015-та година. Еве некои од нив избрани од финансиското издание „Bloomberg“.
Најголемата компанија според пазарната капитализација во светот – „Apple“, достигна вредност од 775 милијарди долари – ниво, невидено во историјата.
Најдобро претставување на компанија во поширокиот американски индекс беше „Netflix“. Акциите на компанијата која нуди видео содржини, поскапеа за 143%.
Продажбата на обврзници со инвестиционен рејтинг достигнаа рекордни 1.31 милијарди долари, за прв пат во својата историја.
Пазарот на високоризични обврзници ја регистрираше првата загуба од 2008-ма година, па наваму.
Декларираните трансакции за спојувања и преземања ја преминаа психолошката граница од 4 илјади милијарди долари. Мегазделките (над 10 милијарди долари) се рекорден број при ниво од 56.
Во најголемиот договор за годината, во износ од 183.7 милијарди долари, „Pfizer“ ја купува компанијата „Allegran“.
И покрај достигнатите рекорди од американските индекси, собраните од „IPO“ средства од американски компании се најмали од 2009-та година, па наваму – едвај 29 милијарди долари.
Инвестициите на приватните капитални компании се зголемија за 39%, до нова рекордна вредност од 109.7 милијарди долари.
Светските компании скратија повеќе работни места од која и да е од годините од 2009-та година – 855.000, а 268 од нив се во американските бизниси.
Само три американски инвестициски фондови со средства од 100 милиони долари, или повеќе, донесоа приход за инвеститорите од над 25%. Тоа се „Catalyst Macro Strategy“ (46%), „Vanguard Institutional Short-Term Bond“ (41%) и „ProFunds Internet UltraSector ProFund“ (30%).
Просечниот принос на „хеџфондовите“ е помал од 1%.
Некои милијардери станаа побогати, други „осиромашија“. Џеф Безос додаде 29 милијарди кон своето богатство, или најмногу во светот. Тој е следен од Армансио Ортега со додадени 13 милијарди долари и Марк Цугерберг со 11 милијарди долари.
Во спротивно, најмногу од своето богатство загубил Карлос Слим – цели 19 милијарди долари. Богатството на Џим Волтон е намалено за 11 милијарди долари, а пак на Ворен Бафет за 10 милијарди долари.
