Филмска недела на израелски филм, почнува во понеделник, со проекција на филмот „Големи лоши волци“.
Младински културен центар заедно со Еврејската заедница на Македонија и Кинотеката ја отвораат Неделата на израелски филм. Проекциите на филмовите се во Младинскиот културен центар од 14 до 17 декември, додека од 18 декември до 20 декември, филмската програма продолжува во Кинотеката.
Отворањето на филмската недела е закажано во понеделник, во 20 часот, кино „Фросина“, со филмот „Големи лоши волци” (Mi Mefached Mehaze’ev Hara) во режија на Навот Папушадо пред кој свое кратко обраќање ќе има и Амбасадорот на Израел во Македонија, Дан Оријан.
