Цената на нафтата денеска падна на светските берзи на 54 долари за барел, а товар повторно беше пораката на Кувајт дека OPEC нема избор освен да го задржи постоечкото ниво на производство, што ја зголемува загриженоста поради прекумерното снабдување.
На лондонската берза цената на барел сирова нафта за испорака во мај падна за 33 центи во однос на претходното затворање, на 54,10 долари. На американската берза со барел за испорака во април се тргува по 21 цент пониска цена, од 43,75 долари.
Во четвртокот кувајтскиот министер за нафта Али ал-Омаир изјави дека OPEC нема друг избор освен да го задржи производството на постоечко ниво. Воедно повтори дека нафтениот картел ќе го заземе истиот став на наредниот редовен состанок во јуни.
Одделно европските лидери се состанаа во Брисел поради натамошни разговори околу Иран, еден ден откако високиот европски преговарач рече дека шест светски сили веројатно нема во наредните денови да постигнат рамковен договор со Техеран за нуклеарната програма поради неречените несогласувања околу одделни клучни прашања.
Договорот со Иран би можел да доведе до ублажување на санкциите кои го ограничуваат извозот на нафта со што дополнително би се зголемило снабдувањето.
„Нафтата се најде под притисок од изјавата на кувајтскиот министер за нафта и шансите, иако мали, за договор со Иран“, констатира Еуген Вајнберг од франкфуртска Commerzbank.
„Континуираната обилна понуда од OPEC, растот на американското производство и залихите создаваат притисок, поради што пазарот и натаму го бара ценовното дно“, додава аналитичарот.
OPEC одвоено на своите инернет страници објави дека цената на барел референтна кошника негова нафта во четвртокот изнесуваше 50,17 долари, што значи дека порасна еден долар во однос на претходниот трговски ден.
