Петтиот круг од тристраните преговори за гасот меѓу ЕУ, Русија и Украина заврши синоќа неуспешно поради разлики во ставовите и разговорите ќе продолжат, изјави еврокомесарот за енергетика Гинтер Етингер.
Тој истакна дека за време на преговорите, кои траеле повеќе од седум часа, биле разгледани прашањата за цената на гасот, за постоечките договори, за пазарите, за соседните држави и за актуелната ситуација.
Според Етингер, претставниците на Русија и на Украина се подготвени да ги продолжат преговорите денеска или утре.
