Советот на Европската унија (ЕУ) дополнително ги зајакна санкциите против Северна Кореја во согласност со одлуката на Советот за безбедност на Обединетите нации (ОН), соопшти прес-службата на Советот.
Резолуцијата на Советот за безбедност беше усвоена на 11-ти септември. Документот забранува продажба на течен природен гас во Пјонгјанг, како и увоз на текстилни производи од земјата.
Исто така, се предвидува ограничување на продажбата на нафта и нафтени продукти во Северна Кореја.
Земјите-членки на ЕУ веќе нема да имаат право да издаваат работни дозволи за севернокорејските државјани на нивната територија, бидејќи се сомневаат дека нивните приходи одат за поддршка на нуклеарната и балистичката програма на Северна Кореја.
Резолуцијата, исто така, предвидува некои исклучоци за хуманитарни цели.
Во „црната“ листа на лични санкции на ЕУ се вклучени 63 лица и 53 компании од Северна Кореја.