Заврши реконструкцијата на блокот А во студентскиот дом „Гоце Делчев“, а од следната недела ќе почнат градежните зафати околу реконструкцијата и на блоковите В и Г.
Според заменик министерот за образование и наука, Спиро Ристовски, реконструкцијата на блокот А чинеше 1,5 милиони евра. Во рамки на обновата, заменети се вратите, прозорците, подовите, како и водоводната и електричната инсталација и системот за парно греење.
Покрај тоа, бојосани се ѕидовите, собите се опремени со нов мебел, а поставен е и нов лифт.
Ристовски, посочи дека за понатамошната реконструкција на домот веќе е избрана компанија која ќе ги обнови блоковите В и Г, со тоа што откако ќе се завршат сите блокови ќе биде извршено и целосно партерно уредување на студентскиот дом.
