По напорниот тренинг освежете се со оваа вкусна салата. Ќе бидете сити и нема потреба да се грижите дали таа ќе го поништи ефектот на вежбањето.
Само 220 гр тиква обезбедува 1/3 од потребниот дневен внес на витамин Ц, а нутриционистите ја доведуваат во врска со способноста на телото да ги согорува масти. Оревите се извор на омега 3 масни киселини и антиоксиданти кои се борат против секоја настинка.
Оваа комбинација на намирници е совршена доколку сакате да се заштитите и од срцевите болести.
Оревите исто така ќе помогнат да го редуцирате нивото на крвниот притисок и да го намалите запушувањето на крвните садови.
Состојки:
– 1 тиква, исчистена и без семки, исецкана на коцки
– 5 супени лажици маслиново масло
– сол
– 226 грама спанаќ
– 2 супени лажици свеж лимонов сок
– ½ супена лажица сенф
– 2/3 шолја ореви
Подготовка:
Загрејте ја рерната на 230 степени. На хартија за печење ставете тиква премачкана со 1 супена лажица маслиново масло, посолете. Печете и мешајте околу 20 минути, додека не омекне и добие светлокафена боја (вкупно 30 минути). Додадете ја во чинија заедно со спанаќот.
Направете прелив од сокот од лимон, мслиновото масло (останатите 4 лажици), сенфот и малку сол.
Прелијте го сосот преку салатата и посипете со ореви.
За максимален ефект, додадете една супена лажица чиа семе.
