Во понделникот било извршено префрлување на финансиски средства на 3.515 семејства зафатени од поплавите во скопско, информира Црвениот крст.
Префрлање на парите на сметките на поплавените е направено за 3.515 семејства, согласно добиените финални списоци од надлежните институции со податоци на лицата погодени од катастрофата.
„Преостанато е вршење на трансфер на уште 194 семејства чии податоци дадени во нотарските изјави имаат одредени недостатоци па по добивањето на коригирани податоци веднаш ќе бидат префрлени и овие средства до крајните корисници. Уште еднаш од името на Црвениот крст на Македонија сакаме да искажеме голема благодарност за целокупната поддршка на хуманитарната акција за обезбедување на поддршка на погоденото население од неодамнешните поплави во земјата“, се наведува во соопштението.
